***********************************
یونین کونسل بیروٹ کی ویلیج کونسلیں
****************************************
تحقیقی رپورٹ ۔۔۔۔ محمد عبیداللہ علوی
****************************************
 |
| سابق یو سی چیئرمینوں کا گروپ فوٹو |
****************************************
یونین کونسل بیروٹ1982ء تک بکوٹ کا حصہ تھی ۔۔۔۔۔۔ 1982ء میں بیروٹ اوریونین کونسل بیروٹ کو تقسیم کر کے ۔۔۔۔۔۔ اس کی مزید 6 ویلج کونسلیں بنا دی ہیں
وی سی سینٹرل بیروٹ یا بیروٹ کلاں
یو سی بیروٹ کی پہلی وی سی سینٹرل بیروٹ یا بیروٹ کلاں ہے جو سب سے زیادہ ترقی یافتہ بھی ہے،بریگیڈیئر (ر) مصدق عباسی، لیفٹیننٹ جنرل مقصود عباسی مرحوم، ریٹائرڈ کرنل شیراز عباسی، بھارت میں دو بار گورنر بننے والے ٹھیکیدار امین خان کے صاحبزادے محمد شفیع قریشی مرحوم، استاد استاذ مولانا محمد اسماعیل علوی مرحوم، سید فضل حسین شاہ مرحوم اور سرکل بکوٹ کے پہلے شاعر مولانا محمد یعقوب علوی جیسے نامور لوگوں کا تعلق بھی اسی یوسی سے ہے ۔۔۔ڈیڑھ سو سالہ قدیم پرائمری سکول سمیت لڑکے اور لڑکیوں کے دو ہائیر سیکنڈری سکول کے علاوہ سب سے زیادہ پرائیویٹ سکول اورمسجد سکول بھی یہاں پر ہی ہیں
عباسی برادری کے ذیلی قبیلے ۔۔۔۔۔۔ حاجیال، مرتال ، کاملال، چنگسیال، فقیرال ،بنکال ، میرال اورمہرال ۔۔۔۔۔۔ کے علاوہ ۔۔۔۔۔ علوی اعوان ، اعوان، آوان، قریشی، مشہدی سادات، قریشی اور کیٹھوال راجپوت جیسے قبائل بھی اسی وی سی بیروٹ
کلاں میں آباد ہیں۔
وی سی بیروٹ کلاں کے زیادہ تر لوگ بزنس مین ہیں بلکہ مسعود عباسی پولٹری کاروبار میں ایک آئیکون کی حیثیت رکھتے ہیں ۔۔۔۔۔ دیگر میں ۔۔۔۔۔ نیویارک، امریکہ مین سپر سٹور چلانے والے ضمیر راجپوت بھی اسی وی سی کے رہائشی ہیں
لمحہ موجود ۔۔۔۔۔۔ کی اہم شخصیات میں سابق ناظم آفاق عباسی، راجہ حیدر زمان، افراز عباسی، فہیم احمد علوی، سید ممتاز حسین شاہ ،مولانا زاہد عباسی، ایثار راجپوت، ممتاز دانشور اور 12 کتابوں کے مصنف محبت حسین اعوان، مانسہرہ ہجرت کرنے والے شاعر اور سابق ٹیچر اقبال حسین شاہ مخلص بیروٹوی، تنظیم اسلامی شمالی پنجاب کے امیر خالد عباسی بھی اسی ویلج کونسل سے تعلق رکھتے ہیں جب ماضی کے تین یو سی چیئرمین بابو محمدعرفان خان ان کے بڑے بھائی غلام عرفان خان اور حاجی اعظم خان کا تعلق بھی اسی وی سی سے تھا
یہاں پر کہوٹی بازار میں دو مدارس اور ایک پبلک لائبریری بھی موجود ہے جبکہ مساجد کی سب سے زیادہ تعداد بھی یہاں پر ہی ہے۔حضرت پیر بکوٹیؒ نے 1880-1908ء تک یہاں ہی قیام کیا، شادی بھی کی اور کاملال برادری نے ان کی دینی اور روحانی خدمات کے اعتراف میں 17 کنال اراضی بھی ۔۔۔۔ ان کے نام ہبہ کی ۔ یہاں کے لوگ علماء اور فضلاء کے قدردان ہیں۔یو سی بیروٹ کے ۔۔ 35 میں سے 18 پی ایچ ڈیز سکالرز۔۔۔ کا تعلق بھی وی سی بیروٹ کلاں سے ہے جبکہ سینکڑوں ایم فل ابھی پائپ لائن میں ہیں
وی سی بیروٹ کلاں۔۔۔ کی حدود کنیر کس کے مشرقی کنارے سے لیکر شاہراہ کشمیر ایک لنک روڈ سنگرالاں سے لمیاں ٹراں، سیروڑہ سے کولالیاں اور اور پھواڑی نیں بگلے سے فرش تک براستہ رتا آڑا جاتی ہے جبکہ بیروٹ خورد کو ملانے والی ہوتریڑی موہڑا روڈ بھی اسی سے گزرتی ہے ۔۔۔۔۔ اس میں سنگرالاں کی ہوتریڑی کو بیروٹ خورد سے ملانے والی ایک کمرشل چیئر لفٹ بھی موجود ہے ۔۔ چلہوٹہ سے سینٹرل بیروٹ کے لئے ایک واٹر پائپ لائن بھی ہے جو آج کل سسک سسک کر کوہ موشپوری کا ٹھنڈا میٹھا پانی ایل بیروٹ کو ترسا ترسا کر فراہم کر رہی ہے
الیکشن کمیشن کے اعداد و شمار کے مطابق ۔۔۔۔ اس ویلیج کونسل کا چارج نمبر 03، سرکل نمبر 09، بلاک نمبرز 022030904 ہے جبکہ اس کی آبادی 2015ء میں 4 ہزار 3 سو 44 اور جنرل کونسلروں کی تعداد 7 ہے ۔۔۔۔۔۔۔ اس کے موجودہ چیئرمین سابق چیئرمین یو سی بیروٹ سردار محمد عرفان مرحوم کے پوتے ندیم عباسی ہیں ۔۔۔۔۔۔ الیکشن میں ندیم عباسی اور کولالیاں سے ٹھیکیدار عتیق عباسی کے ووٹ برابر ہو گئے تھے جس کی وجہ سے ایک اعلیٰ سطحی فیصلہ کے مطابق عتیق عباسی کو نائب چیئرمین کا عہدہ تفویض کیا گیا ۔۔۔۔۔۔ یو سی بیروٹ میں ندیم عباسی اور ان کے رفقاٗء کی بلا تعصب برادری ازم ترقیاتی کاموں کے حوالے سے کارکردگی غیر متنازعہ اور نہایت شاندار رہی ہے ۔۔۔۔۔۔ یو سی سطح پر تحریک پاکستان میں سرگرم حہ لینے والے محمد عباس خان مرحوم کے صاحبزادے ۔۔۔۔۔ خالد عباس عباسی ۔۔۔۔۔ جبکہ تحصیل کونسل میں بیروٹ خورد سے تعلق رکھنے والے 80 سالہ ۔۔۔۔۔ قاضی سجاول خان نمائندگی کر رہے ہیں ۔
ویلج کونسل۔۔۔ کہوشرقی
سابق یونین کونسل کی دوسری بڑی ویلج کونسل کہوشرقی ہے جو جو کے پی کے، پنجاب اور آزاد کشمیر کے تکونی صوبائی بارڈر پر آخری یو سی بیروٹ کی آخری وی سی بھی ہے
یہ وی سی شمالاً جنوباً میرا کے بیروٹ ہائر سیکنڈری سکول سے لیکر کوہسار کے پہلے اور فی الحال آخری وزیر اعظم پاکستان ۔۔۔۔۔ شاہد خاقان عباسی ۔۔۔۔۔۔ کی آبائی یو سی دیول، پنجاب کے قلعہ گراؤنڈ اور سرکل بکوٹ کی تاریخ کے پہلے اور فی الحال آخری گورنر کے پی کے ۔۔۔۔۔ سردار مہتاب احمد خان ۔۔۔۔۔ کی آبائی یو سی ملکوٹ کے کنیر پل تک اور شرقاً غرباً کنیر کس سے لیکر سراں ہمبوتر تک ہے
یہاں کے اکثریتی عباسی قبیلہ کی ذیلی برادریوں میں ۔۔۔۔۔۔ خانال، نکودرال، بھگیال اور دیگر ہیں جبکہ دیکر قبائل میں ۔۔۔ علوی اعوان، اعوان، قریشی، دھنیال، قریشی اور بخاری سادات بھی ہیں جن میں ترمٹھیاں میں اہل تشیع کے بھی چند گھرانے موجود ہیں
مشرف عہد کے پہلے ناطم طاہر فراز عباسی، ان کے چچا اور ایوبی دور کے فقیر منش پہلے اکاؤنٹنٹ جنرل آف پاکستان حاجی سرفراز خان ، دیو بند کے پہلے عالم دین مولانا محمد دفتر علوی (متوفی 1908، محلہ ٹنگان) پہلے فوجی عہدیدار کمانڈر عزیز خان، ضلع کونسل ایبٹ آباد کے پہلے اور سابق رکن حبیب الرحمن عباسی، نمبردار ایسب خان، سرکل بکوٹ کے پہلے سفارتکار افتخار عزیز عباسی، سرکل بکوٹ کے دوسرے اور یو سی بیروٹ کے پہلے صحافی گلام کبریا عباسی، گرلز پرائمری سکول بیروٹ کی پہلی خاتون اول مدرس عجائب بی بی علوی، گرلز ہائیرسیکنڈری سکول کی پہلی پرنسپل فرخ نشتر، کیپٹن عمیر عباسی شہید ہائیرسیکنڈری سکول برائے طلباء کے پہلے پرنسپل امتیاز عباسی، یو سی بیروٹ سے سپریم کورٹ کے پہلے وکیل عبدالقیوم قریشی اسی ویلج کونسل سے تعلق رکھتے تھے ۔۔۔۔۔۔ کہو شرقی میں کافی عرصہ قبل بکوٹ کی سماجی شخصیت قاری نشان علی نے ایک ایجوکیشنل کالج قائم کیا تھا جو بوجوہ کامیاب نہ ہو سکا ۔۔۔۔۔۔ یہاں پر ہی پہلی بار ،،،، دارالقلم ،،،،، کے نام سے ایک خطاطی مرکز بھی کمرشل بنیادوں پر کام کر رہا ہے
لمحہ موجود میں ۔۔۔۔۔ دیگر نامور لوگ جو اس ویلج کونسل میں موجود ہیں ان میں سعید عباسی، طاہر امین عباسی، محترمہ آپا شمیم صاحبہ، محترمہ شاہدہ اسلام صاحبہ، صحافیوں میں راقم السطور محمد عبید اللہ علوی (روزنامہ جنگ راولپنڈی) فدا عباسی (روزنامہ کائنات کراچ) سجاد عباسی (روزنامہ امت راولپنڈی) ماہر تعلیم میں محمد سہراب، منظور احمد، نثار احمد، آفتاب حسین، اور خوش الحان قاری مبششر حسین شاہ، یو سی بیروٹ کے پہلے ڈاکٹر الیاس شاہ اور نون لیگ کے اہم کارکن فاروق عباسی آف سراں اور دیگر شامل ہیں
وی سی کہو شرقی ۔۔۔۔۔۔ کی آبادی لگ بھگ ساڑھے 7 ہزار ہے ۔۔۔۔۔۔ اس کی حدود میں ایک بنک، زنانہ اور مردانہ ہائیر سیکنڈری سکولز اور ٹیلیفون ایکسچینچ بھی ہے ۔۔۔۔۔۔ جبکہ اس وی سی کو 1986 میں اس وقت کے ایم پی اے سردار مہتاب احمد خان کے نصف کروڑ روپے کی لاگت سے لہور کس کہو غربی سے ایک واٹر پائپ لائن بھی دی گئی تھی جو اب نصف وی سی کو ہی سسکا سسکا کر پانی فراہم کر رہی ہے اور شمالی وی سی کے محلہ ٹنگان،سے کونواں تک وی سی بیروٹ کلاں سے پانی کی فراہمی جاری ہے، اس وی سی کے محلہ ٹنگان کو جان بوجھ کر پسماندہ رکھا گیا ہے ۔۔۔۔۔۔۔ جبکہ چوریاں سندواری ہل لنک روڈ کا فائدہ بھی جند گنے چنے سیاسی خاندانوں کو ہو رہا ہے
قبیلائی تاریخ کے حوالے سے روایت بیان کی جاتی ہے کہ ۔۔۔۔۔ سرکل بکوٹ کی ڈھونڈ عباسی برادری کے جد امجد لہر خان اسی ویلج کونسل کے کے سکول کے قریب ابدی نیند سورہے ہیں ۔۔۔۔۔ یہاں پر تین قدیم ترین قبرستان بھی ہیں
وی سی کہو شرقی کے زیادہ تر لوگ ملازم پیشہ ہیں اور دوسرے نمبر پر کاروباری افراد آتے ہیں ۔۔۔۔ویلج کونسل میں طاہر فراز عباسی (سابق ناظم) نے چوریاں سندھواری ہل لنک روڈ ، چوریاں ہمبوتر لنک روڈ جبکہ آپا شمیم اختر صاحبہ نے ترمٹھیاں بہک روڈ اور اس سے قبل کہو ریالہ لنک روڈ (نامکمل) بنوائی تھی ۔۔۔۔۔۔ اہلیان دیول نے ترمٹھیاں سے ٹاہلی نکر تک بھی ایک لنک روڈ بنوائی ہے
یہاں پر ہل کے مقام پر ایک مسجد مکتب تھا مگر اہلیاں دیہہ کی عدم دلچسپی کی وجہ سے وہ ٹہنڈی، وی سی بیروٹ کلاں میں کیٹھوال راجپوت برادری کی ایک این جی او کے زیر انتظام دیا گیا تاہم بعد میں سابق ایم پی سردار فرید خان کے فراہم کردہ فنڈز سے نو تعمیر شدہ شاندار بلڈنگ میں منتقل کر دیا گیا ہے ۔۔۔۔۔۔ منتقل ہوگیا۔۔۔۔۔۔ وی سی کہو شرقی میں دو پرائیویٹ سکولز اور دو مدارس بھی ہیں
وی سی کہو شرقی یو سی بیروٹ کی تمام وی سیز سے زیادہ تعلیم یافتہ ہے ۔۔۔۔۔۔ یہاں کے یوتھ کونسلر عدیل انجم عباسی لندن سے ہائی کوالی فائیڈ ہیں جبکہ اس کے وائس چیئرمین گلزمان ریٹائرڈ سینئر ٹیچر اور ایم اے ایم ایڈ ہیں ۔۔۔۔۔۔ وی سی چیئرمین اسد عباسی کا سب سے بڑا کارنامہ معطل شدہ اور نون لیگ کے ایک ٹھیکیدار کی اکھاڑی ہوئی چوریاں ہمبوتر روڈ کی تعمیر نو اور بحالی ہے ۔۔۔۔۔۔ چوریاں سندواری ہل کی کشادگی اور پختگی بھی اسد عباسی کی ذاتی کاوشوں کا نتیجہ ہے، سنٹرل کہو شرقی میں کچھ راستوں کی پختگی بھی اسد عباسی اور ان کے رفقاٗ کے کریڈت پر ہے مگر شمالی کہو شرقی میں لہور سے آنے والے پانی کی دانستہ بندش اور محرومی اسد عباسی اور ان کے رفقاء کے ماتھے پر ایسا کلنک کا ٹیکہ ہے جسے ۔۔۔۔۔ کبھی اہل کہو شرقی فراموش نہیں کر سکیں گے ۔۔۔۔۔۔؟
وی سی ۔۔۔۔ جلیال بانڈی
بیروٹ کی تیسری اہم ویلج کونسل جلیال بانڈی ہے ۔۔۔۔۔ بجا طور پر کہا جا سکتا ہے کہ یہ وی سی نہ صرف سرکل بکوٹ، یو سی بیروٹ کا ہی نہیں بلکہ انتہائی جنوب مشرقی صوبہ پنجاب اور آزاد کشمیر کے دریائی بارڈر پر The End بھی ہے جس کی جنوب میں حدود پنجاب ہزارہ صوبائی بارڈر پر صلیال، دریائے جہلم پر بے ریتی، باری جنگل اور کھودر، مشرق میں دریائے جہلم کے غربی کنارے، مغرب میں تاریخی شاہرائے کشمیر جبکہ شمال میں وی سی باسیاں کے مقام گلہ چوکی سے ملتی ہیں۔۔یہاں کے زیادہ تر لوگ ٹرانسپورٹ، پولٹری فارمنگ اور ذاتی کاروبار کرتے ہیں ۔۔۔۔۔۔ جن کی نمائندگی 70 سالہ بزرگ اور وی سی چیئرمین خوابہ محمد عباسی کر رہے ہیں
ماضی میں ۔۔۔۔۔۔ یہاں کی اہم شخصیات میں یو سی بیروٹ میں پچھلی صدی کے اوائل میں ۔۔۔۔۔ پہلی بار پرائیوٹ ذریعہ تعلیم کا آغاز کرنے والے نامور اساتذہ کرام کے استاد ذی وقار ۔۔۔۔۔۔ سید معصوم علی شاہؒ، سرکل بکوٹ کے پہلے ٹرانسپورٹر اور ائیڈ چراغدین ٹرانسپورٹ کمپنی راولپنڈی، سری نگر کے بانی راجہ نذر خان، محمد یونس خان، حاجی مصطفیٰ خان ۰بانڈی)، عبداللہ خان، مولوی اشرف شاہ، جنرل کونسلر مسعود عباسی، جنرل کونسلر نجیب عباسی، سہراب خان اور عباس خان ہیں ۔۔۔۔ اسی وی سی میں ۔۔۔۔۔۔۔ ہائر سیکنڈری سکول بیروٹ۔۔۔ کے سابق ٹیچر مطیع الرحمان عباسی بھی موجود تھے جو معلم کی حیثیت سے کم اور شاعر و افسانہ نگار کی حیثیت سے ایک علمی اور فکری حیثیت سے زیادہ جانے جاتے تھے۔
جلیال بانڈی ویلج کونسل میں ۔۔۔۔۔۔ وہ تاریخی مقام ،،،،،مانواں نی ہل،،،،، بھی ہے جہاں 1451ء میں کیٹھوالوں کی ڈھونڈ عباسیوں کے ہاتھوں پسپائی کے بعد ان کی ہر عمر کی شادی شدہ، بیوہ اور کنواری خواتین کو نہایت عزت و احترام سے ان کی وفات تک رکھا گیا تھا ۔۔۔۔۔ جب وہ عمر رسیدہ ہوکر عالم بالا کی مہمان ہو گئیں تو ۔۔۔۔۔۔ اس جگہ کا نام ہی مانواں نی ہل پڑ گیا تھا
یہاں پر دوسر ااہم اور تاریخی واقعہ اس وقت ہوا تھا جب ۔۔۔۔۔۔ 1948ء میں ڈوگرہ فوج مجاہد اول سردار عبدالقیوم کی گرفتاری کے لئے انہیں تلاش کررہی تھی اور بانڈی کے کالو خان چوہدری نے رات کی تاریکی میں سردار عبدالقیوم خان کو تیر کر دریائے جہلم عبور کرایا اور ۔۔۔۔۔۔ ایک ہفتہ تک اپنے گھر میں پناہ بھی دئے رکھی
اسی وی سی میں ایک محنت کش ۔۔۔۔۔ شالو خان ۔۔۔۔۔۔ بھی ہوتے تھے جو فرش، لوئر بیروٹ سے مسافروں کا سامان یو سی بیروٹ کے ہر مقام پر پہنچانے کیلئے ہمہ وقت موجود رہتے تھے۔۔۔ بیروٹ کے مورخ، ماہر علم الانساب اور کارپوریٹ لائیر علامہ محبت حسین اعوان نے اپنی تازہ تحقیقی کتا۔۔۔ تاریخ ڈھونڈ عباسی ۔۔۔۔۔ کو اسی محنت کش شالو خان سے منسوب کیا ہے اس وی سی میں تین پرائمری سکول جلیال، اپر بانڈی اور بانڈی ہیں جن کی خواجہ صاحب اور موجودہ پنجسالہ پورا کر کے گھروں کو جانے والےبلدیاتی نمائندوں کی زیر نگرانی بہترین اور شاندار عمارات تعمیر کی گئی ہیں ۔۔۔۔۔ اللہ تعالیٰ، عوام علاقہ اور عہد حاضر اور مستقبل کے نونہال قبول فرماویں ۔۔۔۔۔ آمین
اسی ویلج کونسل سے شاہراہ کشمیر بھی گزرتی ہے ۔۔۔۔۔ یہاں پر ایک لنک روڈ اپر بیروٹ کو ہمبوتر کے راستے جلیقال سے ملاتی ہے ۔۔۔۔۔۔ اس روڈ کے ساتھ بھی گزشتہ حکومت کے دوران مذاق کیا گیا کہ ۔۔۔۔۔۔ پہلے اس کی تعمیر کا افتتاح ایم این اے ڈاکٹر اظہر جدون نے کیا اور اس کے بعد اس وقت کے گورنر کے پی کے سردار مہتاب خان نے جدون صاحب کی تختی اکھاڑ کر اپنی مرمریں سفید تختی نصب کر ڈالی ۔۔۔۔۔ موجودہ دور میں اسے بھی اکھاڑ کر پھینک دیا گیا ہے ..... جلیال مانواں نی ہل روڈ کا افتتاح گزشتہ سے پیوستہ سال سابق ایم پی اے سردار فرید خان نے کیا تھا مگر یہ لنک روڈ بھی ہنوز ۔۔۔۔۔ تعمیر کے نہ ختم ہونے والے ۔۔۔۔۔ مراحل میں ہے اور اسی ویلج کونسل میں سابق گورنر اور سابق وزیر اعلیٰ کے پی کے ۔۔۔۔۔ سردار مہتاب خان ۔۔۔۔۔ کا ننھیال بھی ہے
یہاں پر ہی جلیال میں ۔۔۔۔۔۔۔ بریلوی اور دیوبندی مسلک کی دو مساجد اور مدارس بھی ہیں جہاں محافل ہوتی رہتی ہیں ۔۔۔۔۔۔ حالیہ رمضان المبارک میں انہی مساجد میں سے ایک میں تبلیغی جماعت والوں کے ساتھ انتہائی بدسلوکی کی گئی جس کی وجہ سے انہیں مسجد کے قریب ہی ایک ڈوغے میں کھلے آسمان تلے اپنی چٹائیاں بچھانی پڑیں ۔۔۔۔۔۔۔
وی سی ۔۔۔۔۔ باسیاں
بیروٹ کی چوتھی اور شمالی ویلج کونسل باسیاں ۔۔۔۔۔ ہے جو 16صدی کے ایک فیوڈل لارڈ سردارباس خان کے نام سے موسوم ہے ۔۔۔۔۔ اس وی سی پرانا نام ۔۔۔۔ دو میل ۔۔۔۔۔ تھا مگر مقامی آبادی کے ساتھ حسن سلوک کی وجہ سے اس وی سی کام ہی ،،،،، باسیاں ،،،،، رکھ دیا تھا ۔۔۔۔۔۔۔ یہ باس خان کون تھا، اس بارے میں اس دور کا ایک شعر پڑھ لیجئے, یہ شعر باسیاں کے امتیاز عباسی ولد اقبال خان مرحوم کا عطا کردہ ہے ؎
متے خانے تخت ہزارہ ، باس خانے باسیاں
ست ناڑے درے اگیں ، سبھے گلاں راسیاں
وی سی باسیاں ۔۔۔۔۔۔ کی حدود شمالاً جنوباً ہوتریڑی چوک اور چوکی سے لیکر کنیر پل سے آگے تین سو فٹ یو سی بکوٹ کے اندر تک ہیں جبکہ شرقاً غرباً دریائے جہلم سے کنیر کس تک ہیں جبکہ وی سی باسیاں ۔۔۔۔۔ یو سی بیروٹ کا پانچ ہزارہ تاریخ و ثقافت اور قبائل و مذہب کا ایک تاریخی حوالہ بھی ہے
سلطنت کے دارالحکومت ۔۔۔۔۔ ٹیکسلا ۔۔۔۔۔۔ کی 571ء میں سفید ہنوں کے ہاتھوں تباہی تک باسیاں کے دومیل سے گزرنے والا دریائے جہلم بدھا یونیورسٹی ٹیکسلا و شاردہ (آزاد کشمیر) کے طلباء و اساتذہ کے علاوہ یاتریوں اور عام لوگوں کی گزر گاہ تھی
باسیاں کو ۔۔۔۔۔۔ کو یہ اعزاز حاصل ہے کہ ۔۔۔۔۔۔ 1947ءسے لیکر 1950ءتک یہ تحریک آزادکشمیر کا آپریشنل بیس کیمپ اور سردار قیوم خان، چوہدری غلام عباس، سردار ابراہیم خان، سکندر حیات خان جیسی کشمیری قیادت بھی اہل باسیاں کی مہمان رہی ہے
قدیم مورخین کے مطابق ۔۔۔۔۔۔ سرکل بکوٹ کی قدیم ترین آبادی بھی باسیاں ہی ہے
اور اس کا جامع مسجد کے عقب میں
قبرستان گزشتہ چھ صدیوں کے دوران چوتھی بار آباد ہو رہا ہے ۔۔۔۔۔۔ اس شہر خموشاں میں کیٹھوال، شہدائے بالا کوٹ کے علاوہ ڈھونڈ عباسیوں کے ابتدائی آباد کار بھی ابدی نیند سو رہے ہیں
آزادی سے قبل ۔۔۔۔۔۔ یہاں پر ہندو کھتریوں کے کچھ خاندان بھی رہتے تھے جن کا موجودہ مرکزی جامع مسجد کے ساتھ مندر اور مولاچھ کے نیچے دریائے جہلم کے کنارے ایک مرگھٹ بھی تھا
باسیاں کا ڈھونڈ عباسی اکثریتی قبیلہ ۔۔۔۔۔ موجوال ۔۔۔۔۔۔ تھا جسے 17ویں صدی میں بکوٹ ہجرت کرنا پڑی تھی ۔۔۔۔یہاں کے زیادہ تر لوگ اندرون اور بیرون بزنس مین ہیں ۔۔۔۔۔۔ ماضی میں وی سی باسیاں سرکل بکوٹ کا وہ علاقہ تھا جو پاکستان بھر میں کنڈیکٹر اور درائیور فراہم کرتا تھا تا ہم اب سب سے زیادہ ٹرانسپورٹرز بھی باسیاں میں ہی ہیں
یہاں پر زلزلہ سے تباہ شدہ، ایک سکول بڑے موڑ کے نیچے بھی تعمیر کیا گیا ہے جس کی بیرونی دیوار برسوں سے منہدم ہے مگر وی سی باسیاں کے عوامی نمائندوں کو اس کی پرواہ ہی نہیں جبکہ کوہنی کا سرکاری مڈل سکول کی عمارت صفحہ ہستی سے ہی مٹ گئی ہے
وی سی باسیاں میں ۔۔۔۔۔ سرکل بکوٹ کی امیر ترین مرکزی مسجد ۔۔۔۔۔ سمیت درجن سے زائد مساجد اور ایک خواتین کیلئے واحد ۔۔۔۔۔۔ مدرسہ للبنات فریدیہ موجود ہے جبکہ ساجد قریش عباسی کی زیر سرپرستی یہاں پر ایک نجی سکول بھی کام کر رہا ہے
اس وی سی میں ۔۔۔۔۔۔ اکثریتی عباسی قبیلہ کے علاوہ یہاں جدون، اعوان اور قریشی بھی رہتے ہیں ۔۔۔۔۔۔ سنٹرل باسیاں میں بڑھتی آبادی کے ساتھ زمین سکڑ رہی ہے اور اب پختہ مانات منزلوں میں تعمیر کئے جا رہے ہیںں
مولاچھ کا سنگھم نیا کوہالہ پل اور نیلم پوائنٹ کنیر پل جیسے تاریخی اور خونی مقامات بھی اس ویلج کونسل میں ہیں ۔۔۔۔۔۔۔ اس میں دو سال قبل باسیاں ہوترول کے درمیان دو ہزار فٹ اونچی ایک لفٹ بھی نصب کی گئی ہے جس سے شمالی اور زیریں وی سی خورد کے مکینوں کو سفری سہولیات مل گئی ہیں
وی سی کی ۔۔۔۔۔۔ ماضی کی اہم شخصیات میں سابق چیئرمین یو سی بیروٹ آزاد خان۔ عجب خان، سردار یعقوب خان، سردار محمود خان، قاضی ظفرالحق علوی چشتی، منصور الحق قریشی، خطیب الرحمان جدون، شاعر اور عالم دین مولاناسعیدالرحمن جدون بے نوا اور ڈاکٹر اجمل شامل ہیں ۔۔۔۔۔۔ جبکہ ۔۔۔۔۔ عہد حاضر میں امیر جماعت اسلامی ساجد قریش عباسی، صحافی طالب عباسی، وکلاء میں سجاد عباسی، شعیب عباسی، طیبہ عباسی، سماجی شخصیت زرین عباسی، صوبیدار عبدالمجید عباسی، نورچشم شامل ہیں
باسیاں کی ڈھوک گلندکوٹ میں چار سال پہلے لینڈ سلائیڈنگ ہوئی تھی جس میں آوان اور قریشی برادری کے35گھر تباہ ہوگئے تھے ۔۔۔۔۔۔ موجودہ وی سی قیادت نے ان کی آباد کاری کیلئے ایک روپے کا کام بھی نہیں کیا
اس وی سی کے پہلے چیئرمین عبدالمنان عباسی تھے، 2017ء میں ان کی وفات کے بعد زرداری اور بلاول سے ہمدردی رکھنے والے پیپلز پارٹی کے جیالے ۔۔۔۔۔ سہراب شوکت عباسی ۔۔۔۔۔ نئے چیئرمین منتخب ہوئے ۔۔۔۔۔۔ مقامی صحافی طالب عباسی کے مطابق وی سی چیئرمین اور ان کے رفقاء نے گزشتہ چار سال کے دور نظامت میں باسیاں بھر کے تمام راستوں کو پختہ کرایا ہے اور جہاں
جہاں فراہمی آب میں مشکلات تھیں وہاں کے مکینوں کو پائپ فراہم کر کے ان کی مشکلات کا اضافہ کر دیا گیا ہے
ویلج کونسل ۔۔۔۔ بیروٹ خورد
یو سی بیروٹ کی ۔۔۔۔۔ پانچویں ویلج کونسل بیروٹ خورد رقبے کے اعتبار سے بلوچستان کی طرح سب سے بڑی جبکہ 7 ہزار کی آبادی کے ساتھ دوسرے نمبر پر ہے
بیروٹ خورد کی حدود ۔۔۔۔۔ بکوٹ کس سے لہور کس اور کنیر کس سے نتھیاگلی سے متصل ۔۔۔۔ کے پی کے کی دوسری سب سے اونچی چوٹی تاریخی ہندوئوں کے
شیو مندر کی باقیات کی حامل موشپوری تک ہیں
ڈھونڈ عباسیوں کی ذیلی برادریوں ۔۔۔۔۔ نکودرال اور موجوال کے علاوہ سادات، چوہدری، اعوان بھی اسی وی سی میں صدیوں سے آباد ہیں ۔۔۔۔۔۔ زیادہ تر لوگ بزنس مین اور ٹرانسپورٹر ہیں اور کراچی، راولپنڈی اور اسلام آباد میں مقیم ہیں اور بیرون ملک بھی ملازمت کرتے ہیں
بیروٹ خورد کے اہم علاقوں میں ۔۔۔۔۔ بھن، چلوٹہ، نڑی ہوتر، ہوترول، کھرینڈی، سانگریڑی، نکر موجوال، ہوتریڑی، ریالی اور موشپوری ۔۔۔۔۔ ہیں
سیاسی حوالے سے دیکھا جاوے تو یہ وی سی 1962ء میں یو سی بیروٹ و بکوٹ کا حصہ تھی، 1983ء میں یو سی بیروٹ و بکوٹ کی تنظیم نو کی گئی اور اس سے تین نئی یو سیز تخلیق کی گئیں جن میں بکوٹ، بیروٹ کلاں اور بیروٹ خورد شامل تھی ۔۔۔۔۔ اس یو سی کے پہلے چیئرمین ۔۔۔۔۔۔ قاضی سجاول خان ۔۔۔۔۔۔ تھے جو ابھی تک اپنی نیم خواندگی اور زندگی کی 80 بہاریں دیکھنے کے باوجود اس وی سی کیلئے ناگزیر مانے جاتے ہیں ۔۔۔۔۔۔ جبکہ آخری وی سی چیئرمین موضع بھن کے اعلیٰ تعلیم یافتہ اور گھاٹ گھاٹ کا پانی پینے والے ۔ْ۔۔۔۔۔ رخیم داد عباسی ۔۔۔۔۔ ہیں، انہوعں نے نون لیگ اور پی ٹی آئی کی نظریاتی اڑ پھس کے باوجود 99 لاکھ روپے کے ترقیاتی کام کروائے ہیں جبکہ ان کے مقابلے میں یہاں سے تحصیل ناظم ۔۔۔۔۔ 80 سالہ قاضی سجاول خان ۔۔۔۔۔ بقول ضلع ممبر خالد عباسی ،،،، کھرینڈی روڈ 5 لاکھ،ہوترول لنک روڈ 4 لاکھ،ریالی راستہ 8 لاکھ،ٹوپہ بٹالہ لنک روڈ 5 لاکھ ،سوئی ناں کھیتر روڈ 4 لاکھ جبکہ ۔۔۔۔۔ کھرینڈی واٹر سپلائی سکیم 3 لاکھ،نکر موجوال راستہ 3 لاکھ سمیت قاضی سجاول خان نے مجموعی طور ہر۔۔۔۔ 32 لاکھ روپے ۔۔۔۔ کے فنڈز وی سی بیروٹ کو دے سکے ہیں ۔۔۔۔۔ تحصیل ممبر قاضی صاحب اور وی سی چیئرمین خمیداد عباسی کے سیاسی اختلافات کی وجہ سے تاریخ میں پہلی بار علاقے کی بچیوں کو ملنے والے ۔۔۔۔۔۔ ہائیر سیکنڈری سکول ۔۔۔۔۔۔ کے نصف کروڑ روپے تو موجود ہیں مگر عمارت کی تعمیر دور دور تک کہیں نظر نہیں آ رہی ۔۔۔۔ ماضی میں یہاں سے ۔۔۔۔۔۔ برکات خان، نواز عباسی یونین کونسل کے جنرل کونسلر منتخب ہوتے رہے ہیں
یہاں سے سوار گلی بوئی روڈ، بھن بکوٹ روڈ، کھن خورد روڈ اور موہڑہ ہوتری چوک لنک روڈ گزرتی ہیں یہاں کے لوگوں کا زیادہ تر
ذاتی کاروبار ہے ۔۔۔۔۔ جن میں اخبار فروشوں کے علاوہ پرنٹ اور الیکٹرانک میڈیا کے اعلیٰ اور قابل اردو انگریزی جرنلسٹس بلال بصیر عباسی، شاہد عباسی، اعجاز عباسی، چوہدری اسحاق عباسی اور لندن جا کر بسنے والے شاکر عباسی بھی شامل ہیں
آفاق عباسی کی نظامت کے دوران یو سی بیروٹ کی مصالحتی عدالت کے چیف جسٹس اور نکر موجوال کے ۔۔۔۔۔۔ جناب فاروق ریالی اور ہوتریٹری کے اقبال عباسی اس وقت اہم سیاسی فعال شخصیات ہیں ۔۔۔۔۔۔ ہائر سیکنڈری سکول بیروٹ کے سابق والی بال گرائونڈ میں گھر تعمیر کرنے والےنکر موجوال کے ۔۔۔۔۔۔ ارشد عباسی ایڈووکیٹ اور ہوترول سے تعلق رکھنے والے سندھ ہائی کورٹ بار کے سابق چیئرمین محمد نواز عباسی ایڈووکیٹ ۔۔۔۔۔۔ سپریم کورٹ کے نامور وکلاءمیں شامل ہیں ۔۔۔۔۔ تعلیمی حوالے سے ۔۔۔۔۔۔ سی کاز یونیورسٹی پشاور کے سابق چیف ایگزیکٹو کلیم عباسی مرحوم کا تعلق بھی نکر موجوال سے ہے
تاریخی حوالے سے ۔۔۔۔۔۔ نکر موجوال کا نام 16صدی کے سردار موج خان کے نام سے منسوب ہے جو نکر موجوال، موہڑہ سے موشپوری کی چوٹی تک کی جاگیر کے مالک تھے ۔۔۔۔۔۔ موشپوری کا لفکھرینڈی روڈ 5 لاکھ،ہوترول لنک روڈ 4 لاکھ،ریالی راستہ 8 لاکھ،ٹوپہ بٹالہ لنک روڈ 5 لاکھ ،سوئی ناں کھیتر روڈ 4 لاکھ روپے ۔۔۔۔۔۔ جو ٹینڈر ہو چکے ہیں وہ یہ ہیں ۔۔۔۔ کھرینڈی واٹر سپلائی سکیم 3 لاکھ،نکر موجوال راستہ 3 لاکھ روپے ۔۔۔۔۔۔ اس طرح قاضی سجاول خانن کے مجموعی طور ہر۔۔۔۔ 32 لاکھ روپے ۔۔۔۔ کے فنڈز وی سی بیروٹ کو گزشتہ 48 ماہ کے دوران وصول ہوئے ہیں تاہم موجودہ وی سی قیادت ان اعداد و شمار سے اختلاف رکھتی ہے
اس وی سی کی مغرب میں کے پی کے کی سب سے اونچی دوسری چوٹی ۔۔۔۔۔۔ موشپوری ۔۔۔۔۔۔ واقع ہے ۔۔۔۔۔۔۔ تاریخی حوالے سے بھی اس کا نام موجوال ڈھونڈ عباسدی قبیلہ کے جد امجد ۔۔۔۔۔۔ موج خان کے نام پر ۔۔۔۔۔ پہلے موجبوری بنا جو امتداد زمانہ سے بدل کر ۔۔۔۔۔ موشپوری یا موشک پوری ۔۔۔۔۔ ہوگیا ہے ۔۔۔۔۔۔ آج کل ۔۔
اسے مشک پوری بھی کہا جاتا ہے
وی سی بیروٹ خورد ممبر قاضی سجاول خان اپنے عرصہ ممبری میں یہ نصوبے
لائے ہیں ۔۔۔۔۔۔ ان کی تفصیل یہ ہے
(1)اوپر نکر قطبال راستہ P. C. C چار لاکھ روپے...
(2)لہور کس رہنیوٹ گاؤں P. C. Cچار لاکھ روپے ....
(3) لہور کس چولوٹہ لنک روڈ مصطفیٰ ہاؤس تک)(P. C. C) پانچ لاکھ روپے...
(4)بھٹیاں نالہ سے چوریاں موھڑہ لنک روڈ اکیسویٹر ورک دس لاکھ روپے....
(5)بھٹیاں نالہ سے چوریاں موھڑہ .(P. C. C) ورک دس لاکھ روپے...
(6) اوپر موھڑہ دوڑانہ کیتھر سے اوپر لہورلنک روڈ اکیسویٹر ورک دس لاکھ روپے....
(7)لوہر موھڑہ راول کوٹھی لنک روڈ پر دیوار ورک پانچ لاکھ روپے..
(8)لوہر ریالی P. C. C. راستہ چار لاکھ روپے...
(9)اوپر ریالی P. C. C. راستہ چار لاکھ روپے...
(10)محلہ وحید انور لنک روڈ سوئے نہ کیتھر لیبر ورک چار لاکھ روپے...
(11)بیروٹ خورد بٹالہ ٹوپہ نڑی ہوتر لنک روڈ اکیسویٹر ورک پانچ لاکھ روپے...
(12)ہوترول بیروٹ خورد. P. C. C. راستہ چار لاکھ روپے...
(13)بھن بکوٹ مین روڈ سے کھرنیڈی بھن لنک روڈ پانچ لاکھ روپے...
(14)بھن کھرنیڈی واٹر سپلائی سیکم جو کے تین لاکھ ٹنڈر ہو گیا ہے کام باقی ہے
(15) سیرگو سنگریڑی مڈل سکول جس کے لیے ستائیس لاکھ روپے جو قاضی سجاول کے تعاون سے ممبر ڈسٹرکٹ کونسل خالد عباس نے مڈل سکول کے لیے دیے ہیں جو ایک دو دن میں ٹھیکیدار موقع پر پہنچ کر کام شروع کرے گا...
وی سی ۔۔۔۔۔ کہو غربی
یو سی بیروٹ کی انتہائی جنوب غربی ویلج کونسل کہو غربی ہے ۔۔۔۔۔۔ جس کی حدود موہڑہ کے لہور کس سے ریالہ کس اور کنیر کس سے رامکوٹ اور ڈونگا گلی تک ہیں
یہاں پر اکثریتی ڈھونڈ عباسی قبیلہ کی ذیلی شاخوں نکودرال اور قطبال کے علاوہ چوہدری، اعوان اور قریشی برادری بھی رہتی ہے جبکہ یہاں کی خانال برادری کی ایک شاخ کہو شرقی میں بھی آباد ہے
یو سی بیروٹ کے جنگل کا بڑا حصہ ۔۔۔۔۔۔ کہو شرقی اور غربی کا واٹر سورس بھی یہاں پر ہی ہے، اس پر جی ڈی اے نے ناجائز قبضہ کی کوشش بھی کی جسے سابق ممبر ضلع کونسل خالد عباسی نے قانونی کارروائی کے ذریعے ناکام بنا دیا ہے ۔۔۔۔۔ اسی واٹر سورس سے لاکھوں ایکڑ فٹ یہاں کے لوگوں کا ذریعہ معاش راولپنڈی، کراچی و بیرون ملک میں ذاتی کاروبار اور ملازمت ہے ۔۔۔۔۔ یہاں پر مجوزہ ہائیر سیکنڈری سکول برائے طالبات (جو اختلافات کا شکار ہو گیا ہے)، ایک جاری مگر زیر تعمیر ہائی سکول برائے طلباء، ایک مڈل سکول
اور 5 پرائمری سکول جبکہ سحر پبلک سکول کے نام سے اکلوتا پرائیویٹ سکول اور کالج بھی کام کر رہا ہے جہاں ۔۔۔۔۔۔۔ بی اے تک تعلیم دی جا رہی ہے۔اس ویلج کونسل کے مریضوں کیلئے۔۔ موہڑہ کے مقام پر ایک سینٹی ٹوریم بھی ہے جہاں سے پورا علاقہ استفادہ کررہا ہے
یہاں کی اہم شخصیات میں حالیہ وی سی چیئرمین جان محمد عباسی، سابق جنرل کونسلر گلستان عباسیی، جدہ، سعودی عرب کے اہم بزنس مین گل احمد عباسی، کراچی میں امتیاز عباسی، سابق چیئرمین قاضی سجاول خان، پروفیسر شرافت علیعباسی، فضل رحیم عباسی، صحافیوں میں شہزاد عباسی اور روزنامہ آئینہ جہاں اسلام آباد و پشاور کے چیف ایڈیٹر ۔۔۔۔۔۔ اشتیاق عباسی ۔۔۔۔۔ بھی شامل ہیں
روحانی اعتبار سے یو سی بیروٹ کی واحد یو سی ہے جہاں ۔۔۔۔۔ حضرت گل باباؒ ۔۔۔۔۔۔ ابدی نیند سو رہے ہیں تاہم اس کی متولیت اور گدی نشینی شکریال، راولپنڈی کے ایک چوہدری صاحب کے پاس ہے اور وہ عرس بھی راولپنڈی میں ہی کراتے ہیں ۔۔۔۔۔ گل باباؒ کا تعلق چوہدری برادری سے نہیں تھا
آبادی کے لحاظ سے یو سی بیروٹ کی یہ سب سے چھوٹی ویلج کونسل ہے جس کا کہو شرقی کے ساتھ حلقہ پٹوار بھی ایک ہی ہے اور ایسی اطلاعات بھی آ رہی ہیں ہیں کہ ۔۔۔۔۔۔ اگلے بلدیاتی الیکشن میں وی سی کہو شرقی اور غربی کا ایک ہی حلقہ تشکیل دیا جاوے گا
اسی وی سی کے نہایت نشیب میں ۔۔۔۔۔ گزشتہ درجنوں صدیوں سے 1975ء تک علاقے بھر کی غلہ پسائی کی ضروریات پوری کرنے کے لئے ۔۔۔۔۔ چندراں نی ڈھیری ۔۔۔۔۔ پر پہاندی سے سرہاندی تک 8 جندر (پن چکیاں) بھی موجود رہے ہیں جو ہفتے کے سات دن اور 24 گھنٹے نان سٹاپ غلہ کی پسائی کرتے تھیے اور کنیر کس کے مشرقی کنارے پر موجود ڈھوک سندھواری ہل کی قریشی برادری کو صدیوں سے مقامی سطح پر ہی انہی جندروں کی صورت میں مستقل روزگار بھی موجود تھا مگر ۔۔۔۔۔ 1972ء میں ہنر مندوں کی بیرون ملک مانگ نے جہاں ہر برادری کا معیار زندگی بڑھایا وہاں ہی مقامی زراعت کا دیس نکالا ہونے کی وجہ سے باڑیوں اور ڈوغوں کی کھوکھ بانجھ ہو گئی اور پھر لہور کس کے کٹھوں اور کئی من وزنی پلٹ چلانے والا 45 درجے پر نصب چوبی درون کے ذریعے ظاقت ور بیتا پانی خشک ہونے سے جندروں کا گول گول سنگی پہیہ بھی رک گیا ۔۔۔۔۔ اور ایسا رکا کہ نئی نسل کو مجھ سمیت وچکاری زرعی ایکس جنریشن کی اسی کنیر کس میں ہونے والے واٹر سپورٹس، لہور کس میں ماہی گیری، کنڈھاراں سے سے خشک سوختنی لکڑی کے گٹھڑے اور اس کے ساتھ ساتھ ۔۔۔۔۔۔ جنگلی حیات کے شکار کا ایڈونچر ۔۔۔۔۔ جیسے جنگلی مرغ، کانک، ساہے (بھورے خرگوش) وغیرہ کا شکار ۔۔۔۔۔۔ تفریح کے بہترین ذرائع بھی تھے
ماہرین ارضیات کے مطابق ۔۔۔۔۔۔ اسی ویلج کونسل میں گندھک ، کوئلے اور ہیرے کے ذخائر بھی موجود ہیں ۔۔۔۔۔۔ (بحوالہ ۔۔۔۔۔ منرل میپ ۔۔۔۔۔۔ سروے آف پاکستان، راولپنڈی)
یہ وی سی ایک لفٹ کے ذریعے کہو شرقی سے رابطے میں ہے جبکہ اس وی سے ایک لنک روڈ وی سی دروازہ اور سوار گلی بوئی پختہ شاہراہ کے ذریعے گلیات، کوہ مری اور سرکل بکوٹ سے بھی منسلک ہے ۔۔۔۔۔ اب وہ دور گئے کہ بقول صحافی اشتیاق عباسی ۔۔۔۔۔۔ راولپنڈی سے علی الصبح نکر موجوال کی طرف جانے والے مسافر ۔۔۔۔۔ سب سے پہلے موسم کی خبر گیری کیا کرتے تھے ۔۔۔۔۔۔ صرف
خشک موسم میں ہی نکر قطبال آ سکتے تھے
----------------------
اس وی سی کو نون لیگ کا گڑھ بھی کہتے ہیں اور آخری بلدیاتی الیکشن میں یہاں سے نون لیگی بلدیاتی امیدواروں نے 90 فیصد ووٹ حاصل کئے تھے ۔۔۔۔۔۔ یہاں پر جان محمد عباسی 31 اگست، 2019ء، رات 12 بجے تک آخری وی سی چیئرمین رہے
***************************
5 ستمبر۔ 2019ء
یو سی بیروٹ کے
بلدیاتی نمائندوں
کی 2015-19 می کارکردگی
****************************
تحریر ۔۔۔۔۔۔ خالد عباس عباسی ۔۔۔۔۔۔ سابق ممبر ضلع کونسل ۔۔۔۔۔ یو سی بیروٹ
****************************
اب جبکہ کے پی کے کے تمام بلدیاتی ادارے اپنی 4 سالہ مدت پوری کر کے 28 ستمبر کو تحلیل ہو چکے ہیں اور ان 4 سالوں کے دوران مجھ (خالد عباسی) سمیت منتخب نمائندگان نے اپنی بساط کے مطابق کوشش کی ۔۔۔۔ْ۔ْ اس عرصہ میں ضلع کونسل پر کافی نشیب و فراز بھی آئے ۔۔۔۔۔ الیکشن کے فوراً بعد ہی لوکل گورنمنٹ آرڈر2013ء میں ترمیم کر کے ضلع کونسل کے اختیارات انتہائی محدود کر کے انتظامی اختیارات ڈپٹی کمشنر کو سونپ دیئے گئے اور ضلع کونسل کو محض ایک نمائشی ادارہ بنا دیا گیا
ڈسٹرکٹ ناظم ایبٹ آباد کے الیکشن کے بعد ۔۔۔۔۔۔ مقدمہ بازی کا دور شروع ہوا جو اڑھائی سال جاری رہا ۔۔۔۔۔ جس کی وجہ سے سرکل بکوٹ اور یو سی بیروٹ سمیت ضلع بھر کے ترقیاتی فنڈز منجمد رہے ۔۔۔۔۔ میں (خالد عباسی) نے شروع میں ہی حالات کو دیکھتے ہوئے تحصیل ممبر قاضی سجاول خان کے ساتھ مشاورت کی کہ ۔۔۔۔۔ جو فنڈز انہیں تحصیل سے مل رہے ہیں وہ ۔۔۔۔۔۔ بیروٹ خورد ۔۔۔۔۔ میں ہی خرچ کریں کیونکہ وہاں ان کی زیادہ ضرورت ہے جبکہ ضلع کونسل کے فنڈز جوسی بیروٹ کی مشرقی چار وی سیز میں استعمال کئے جائیں گے ۔۔۔۔۔ اس طرح بالآخر ایک سال پہلے ہی اس پر ایک معاہدے کے تحت عمل ہوا اور تنام ممبران نے اس پر انتہائی محنت سے کام کیا
بیروٹ کلاں کی ہر ویلج کونسل کے ایسے علاقوں کی نشاندہی کی گئی جہاں نون لیگ کے سابق ایم پی اے جناب سردار فرید خان یا ویلج کونسل کے فنڈ نہیں استعمال ہوئے تھے اور یو سی بیروٹ کی ہر وی سی کے لیے فنڈز مختص کیے گئے جن کے ٹینڈرز ہوئے اور ۔۔۔۔۔۔ کچھ کام مکمل ہو چکے ہیں اور زیادہ آہندہ آنے والے دو ماہ میں میری نگرانی میں مکمل ہوں گے
بیروٹ خورد کے دوستوں کے لیے میرے ضلع کونسل کے وہ فنڈز جو میں نے ترقیاتی کاموں اور دیگر سکیموں کیلئے مختص کئے ہیں ان کی تفصیالات حاضر ہیں ۔۔۔۔۔۔ بیروٹ خورد کے لیے قاضی سجاول خان کے تمام فنڈز استعمال ہو چکے ہیں ۔۔۔۔۔ اس کے علاوہ میں نے اہنے ضلع کونسل کے فنڈزز سے گرلز مڈل سکول سانگریڑی کے کیے ۔۔۔۔۔ 27 لاکھ روپے ۔۔۔۔۔ مختص کیے جن سے آئندہ دنوں میں دوکمرے اور بیت الخلاء تعمیر ہوں گے اور بواہز ہائی سکول لہور کی مرمت اور بائونڈری وال کے لیے ۔۔۔۔۔ 10 لاکھ روپے ۔۔۔۔۔ بھن میں روڈ کے لیے ۔۔۔۔۔ 4 لاکھ روپے ۔۔۔۔۔ مختص کیے ییں جن کے ٹینڈرزا بھی ہو چکے ہیں اور بہت جلد کام شروع ہو گا۔۔۔۔۔۔ بی ایچ یو موہڑہ کی واٹر سپلایی کے لیے بھی ۔۔۔۔۔ 5 لاکھ روپے ۔۔۔۔۔ مختص کئے ہیں
بحثیت سیاسی ورکر مسلم لیگ (ن) ۔۔۔۔۔۔ مجھے ہمیشہ یہ احساس رہا ہے کہ ۔۔۔۔۔ بیروٹ خورد کو بیروٹ کلاں سے زیادہ فنڈز کی ضرورت ہے ۔۔۔۔۔۔ اسی لیے میں نے اپنے فنڈز سے نصف کروڑ کے لگ بھگ فنڈز بیروٹ خورد کو دیئے ۔۔۔۔۔ اس کے علاوہ سابق ایم پی اے سردار فرید خان کے تعاون سے اپنے علاقے کے تعلیمی مساہل حل کرنے کے بھر پور کوشش کی اور گرلز ہاہر سیکنڈری سکول بیروٹ کی زمین کا تنازعہ حل کر کے بلڈنگ مکمل کرائی ۔۔۔۔۔ گورنمنٹ عمیر عبداللہ ہاہر سیکنڈری سکول بیروٹ کی زمین بھی واگزار کروا کر نئی بلڈنگ کی تعمیر شروع کروائی جو آج کل تعمیر کے آخری مراحل میں ہے ۔۔۔۔۔ ہائی سکول کی پرانی بلڈنگ (اولڈ کیمپس) کے کیس میں کیمونٹی کی طرف سے فریق بن کر کیس کو ہینڈل کر رہے ہیں
سابق ایم پی اے سردار فرید خان نے ۔۔۔۔۔۔ بیروٹ خورد کے لیے جوگرلز ہاہر سیکنڈری سکول کی بلڈنگ۔ منظور کروائی تھی اس کی جگہ کے تعین میں معاونت کی ۔۔۔۔۔ اس مجوزہ عمارت کی تعمیر کچھ ٹیکنیکل وجوہات کی وجہ سے لیٹ ہو رہی تھی جن کا اب پتہ چلا ہے اور ہمارا اعلیٰ تعلیم یافتہ نوجوان صحافی ۔۔۔ بلال بصیر عباسی ۔۔۔۔۔ اس پر کافی محنت کر رہا ہے ۔۔۔۔۔۔ امید ہے جلد اس پر پراگریس ہو گی
ہاں تک ڈسٹرکٹ کونسل کا تعلق ہے اس میں میں نے اپنی یونین کونسل بیروٹ کی بھرپور نماہندگی کی اور درپیش ہر مسئلہ کو اجاگر کیا ۔۔۔۔۔ قراردادیں منظور کروائیں ۔۔۔۔۔ گلیات کے ترقیاتی ادارے (جی ڈی اے) لہور کس پ واٹر ٹینک بنا کر جو پانی کے جانا چاہتی ہے اس پر ضلعی ایوان کے اندر اور باہر بھی بھرہور آواز اٹھائی ۔۔۔۔۔۔ جبکہ یو سی کو درپیش دیگر عوامی مسائل اور مقامی لوگوں کے تصفیہ طلب معاملات حل کرنے کی بھی پوری کوشش کی اس سلسلے میں گزشتہ سال ڈپٹی کمشنر ایبٹ آباد کی بیروٹ میں کھلی کچہری منعقد کروا کر تمام محکموں کو مقامی عوقامی مسائل ان کےسامنے رکھے ۔۔۔۔۔۔ اہل علاقہ کو اس خوشخبری سے بھی آگاہ کرتا چلوں کہ ۔۔۔۔۔۔ یو سی بیروٹ میں اگلی کھلی کچہری. عا شور کے فوراً بعد منعقد ہو رہی ہے حس میں سابقہ کچہری میں کئے گئے فیصلوں پر عملدرآمد کے حوالے سے بات ہو گی
ان 4 سالوں کے دوران جن لوگوں نے مجھ پر اعتماد کیا تھا اس پر ہورا اترنے کی میں نے اپنی ہمت اور بساط کے مطابق بھرپور کوشش کی ۔۔۔۔۔۔ یہ ایک بشری تقاضا ہے کہ کوئی انسان بھی عوامی توقعات پر سو فیصد پورا نہیں اتر سکتا اسی وجہ سے میری ان مخلصانہ کاوشوں میں اگر کوی کمی
رہ گئی ہو تو میں دل سے معذرت چاہتا ہوں اور دعاگو ہوں کہ ۔۔۔۔۔۔ آہندہ آنے والے مقامی منتخب نماہندے ہم سے بہتر کام کر سکیں
یو سی بیروٹ سے سابق سابق ممبر تحصیل کونسل ۔۔۔۔قاضی سجاول خان چونکہ خودسوشل میڈیا استعمال نہیں کرتے ۔۔۔۔ اس لیے میں( خالد عباس عباسی) نے ان سے ان کی وی سی بیروٹ خورد کے فنڈز کی تفصیل حاصل کی ہے جس سے ظاہر ہوتا ہے ۔۔۔کہ انہوں نے بیروٹ خورد سے سوتیلی نہیں بلکہ سگی ماں والا سلوک کیا ہے اور جو ان پر الزامات لگائے گئےہیں وہ بدنیتی پر مبنی ہیں ۔۔۔ قاضی سجاول خان کے فنڈز کیتفصیل حاضر خدمت ہے ۔۔۔۔ ساتھ ہی عوام علاقہ کا یہ بھی مطالبہ ہے کہ ذراس تفصیل سے بھی آگاہ کیاجائے کہ ۔۔۔۔۔ سابق ایم این اے ڈاکٹر اظہر جدون اور سابق ایم پی اے محترمہ ملیحہ علی اصغر نے یو سی بیروٹ میں کیاترقیاتی کام کروائے اور ان کا تقابلی جائزہ سابق ایم پی اے سردار فرید خان سے بھی کیا جائے ۔۔۔۔ تاکہ دودھ کا دودھ اور پانی کا پانی ہو جائے
یو سی بیروٹ سے تحصیل ممبرقاضی سجاول خان کے پراجیکٹس کی تفصیل کچھ اس طرح سے ہے اورجو پراجیکٹس مکمل ہوچکے ہیں وہ یہ ہیں
****** کھرینڈی روڈ 5 لاکھ،ہوترول لنک روڈ 4 لاکھ،ریالی راستہ 8 لاکھ،ٹوپہ بٹالہ لنک روڈ 5 لاکھ ،سوئی ناں کھیتر روڈ 4 لاکھ
جو ٹینڈر ہو چکے ہیں وہ یہ ہیں
****** کھرینڈی واٹر سپلائی سکیم 3 لاکھ،نکر موجوال راستہ 3 لاکھ
اس طرح قاضی سجاول خانن کے مجموعی طور ہر۔۔۔۔ 32 لاکھ روپے ۔۔۔۔ کے فنڈز وی سی بیروٹ خورد میں استعمال ہوئے ہیں اور ان کا کام موقع پر ان کی عوام علاقہ سے محبت کے ثبوت کے طور پر گواہی بھی دے رہا ہے۔۔۔۔۔ ہاں اگرکوئی آدمی صرف اس لیے تنقید کرے کہ ۔۔۔ اس کی مرضی کے مطابق فنڈ ز خرچ کیوں نہیں ہوئے تو ۔۔۔۔ تو ہم کیا کہہ سکتے ہیں
*******************************
یکم ستمبر، 2019ء
یوسی بیروٹ نی وی سی بیروٹ خوردکے سابق چیئرمین
خمیداد عباسی
سے صدائے سرکل بکوٹ کا انٹرویو
**********************
سابق چیئرمین وی سی بیروٹ خورد ۔۔۔۔۔ رحمیداد عباسی ۔۔۔۔۔۔ نے وٹس ایپ گروپ صدائے سرکل بکوٹ میں صحافیوں اور علاقے کے بیدار مغز نوجوانوں کو براہ راست خطاب کیا اور نان سٹاپ سوالات کے تفصیلی جوابات دئیے
**********************
خحمیداد عباسی نے بتایا کہ ۔۔۔۔۔۔۔ سرکل بکوٹ میں ترقیاتی کام کروانے والا کوئی مقامی ٹھیکیدار نہیں ۔۔۔۔۔۔ ایبٹ آباد کے ٹھیکیدار کام لیتے ہیں اور آگے سرکل بکوٹ کے سب ٹھیکیداروں کو دے دیتے ہیں ۔۔۔۔۔۔ وی سی بیروٹ کے نائب ناظم عتیق عباسی نے بھی سب ٹھیکیدار کی حیثیت سے بیروٹ خورد کے ٹھیکے اپنے نام کئے مگر دھیلے کا کام بھی نہیں کیا ۔۔۔۔۔ یہ معاملہ نیب میں لے کر جا رہا ہوں
انہوں نے کہا کہ ۔۔۔۔۔۔ ممبر ضلع کونسل خالد عباسی گرلز ہائیر سیکنڈری سکول کی عمارت کی تعمیر کا سابق ایم پی اے فرید خان کا فنڈ لیکر بیروٹ خورد آئے مگر وی سی نمائندوں کو اعتماد میں نہیں لیا ۔۔۔۔۔ ہم نے کہا کہ سکول اس جگہ بنے گا جہاں بھن اور لہور کی طالبات کی رسائی ممکن ہو مگر اس پر ابھی تک اتفاق رائے نہیں ہو سکا ہے
انہوں نے کہا کہ ۔۔۔۔۔۔ میں نے ہوترول کے مقام پر 80 کنال اراضی ایکوائر کر کے نرسری قائم کی ہے ۔۔۔۔۔۔ حالاں کہ ۔۔۔۔۔۔ اس کیلئے اہل بکوٹ اور ملکوٹ کا بھی خاصا دبائو تھا ۔۔۔۔۔۔ وی سی بھر میں کوئی گھوسٹ سکول نہیں ہے نہ ہی سرکاری اساتذہ نے اپنے آگے ماضی کی طرح ٹیچر بھرتی کئے ہوئے ہیں ۔۔۔۔۔ ٹیچرز کو سکولوں میں تدریسی فرائض کی انجام دہی کیلئے پابند کر دیا گیا ہے ۔۔۔۔۔ بیروٹ خورد سے ٹمبر ما فیا کا خاتمہ کر دیا گیا ہے ۔۔۔۔۔۔ کوئی گھر کی چھت تبدیل کرے اور اس کا کاٹھ کہیں بھی فراخت کرنا چائے تو کر سکتا ہے
نہوں نے کہا کہ ۔۔۔۔۔۔ بیروٹ خورد کا اپنا پٹوار حلقہ ہے اور آبادی کے حوالے سے بھی اس کے تقاضے پورے ہیں ۔۔۔۔۔۔ ہاں یہ ہو سکتا ہے کہ کہو غربی اور شرقی کا ایک حلقہ پٹوار ہونے کی وجہ سے نئی حلقہ بندیوں میں انہیں ملا دیا جاوے ۔۔۔۔۔۔ بیروٹ خورد کے واٹر ری سورسز پر وی سی کے لوگوں کا پہلا حق ہے ۔۔۔۔۔۔ پہلے ان کی ضروریات پوری ہوں گی تو دیگر وی سیز کو پانی دیا جا سکتا ہے
انہوں نے کہا کہ ۔۔۔۔۔۔ جب ہم کوئی شکایت لے کر بکوٹ پولیس سٹیشن جاتے ہیں تو اوپر سے صاحبزادہ پیر محمد زائر بکوٹی کا فون آ جاتا ہے تو ہماری شکایت ٹھئیں ٹھپ ہو کر رہ جاتی ہے ۔۔۔۔۔۔ ایس ایچ اور ہماری تحریری شکایت کا جواب بھی نہیں دیتا ۔۔۔۔۔۔ اب یہ سلسلہ بند ہونا چائیے ۔۔۔۔۔ اس کے علاوہ رحمیداد عباسی نے ممبر ضلع و تحصیل کونسل کے بارے میں بہت سے گلے شکوے بھی کئے ۔۔۔۔۔ جس سے اندازہ ہو رہا تھا کہ بیروٹ خورد بے انتہا سیاسی اڑ پھس کا شکار ہے اور یہاں کے عوامی نمائندوں کے ساتھ سب کچھ صحیح نہیں ہو رہا ہے
*****************************
28 اگست،2019ء
...... Next .......
